Liverpool 1 - 2 Sevilla
0-1 Nolito ('37)
1-1 Divock Origi ('44)
1-2 Alejandro Pozo ('90)
Liverpool og Sevilla mættust í æfingaleik í Boston nú í kvöld. Mikill hiti er nú í Bandaríkjunum og voru teknar vatnspásur í leiknum.
0-1 Nolito ('37)
1-1 Divock Origi ('44)
1-2 Alejandro Pozo ('90)
Liverpool og Sevilla mættust í æfingaleik í Boston nú í kvöld. Mikill hiti er nú í Bandaríkjunum og voru teknar vatnspásur í leiknum.
Spánverjinn Nolito kom Sevilla yfir á 37. mínútu leiksins með hnitmiðuðu skoti innan vítateigs.
Divock Origi jafnaði leikinn stuttu áður en að flautað var til hálfleiks. Boltinn barst þá til Belgans eftir klafs í teig Sevilla sem myndaðist eftir hornspyrnu Trent Alexander-Arnold. 1-1 í hálfleik.
Fyrir utan mörkin var leikurinn ekkert sérstaklega mikið fyrir augað. Þegar tæpur stundarfjórðungur var eftir af leiknum fékk Joris Gnagnon, leikmaður Sevilla, að líta beint rautt spjald fyrir ógeðslegt brot á Yasser Larouci, ungum leikmanni Liverpool.
Þarna var um að ræða einbeittan brotavilja en hann reyndi ekkert við boltann. Larouci lá í grasinu eftir tæklingu og var að lokum borinn útaf vellinum á sjúkrabörum.
Á 90. mínútu leiksins skoraði Alejandro Pozo sigurmark Sevilla eftir undirbúning Munir El Haddadi. Lokatölur 1-2, Sevilla í vil. Annar tapleikur Liverpool í röð á undirbúningstímabilinu.
Þetta Sevilla lið er snarruglað og óagað. Fáránlegt að sjá svona bull í æfingaleik. Beint rautt og ættu að vera komnir með annað. #kopis
— Einar Matthías (@einarmatt) July 21, 2019
Athugasemdir