Það voru fréttir um það fyrr í dag að hinn 16 ára gamli Kaide Gordon yrði í leikmannahópi Liverpool gegn Norwich í enska deildabikarnum. Það er búið að gefa út byrjunarliðin og þar er Gordon.
Hann kemur bara beint inn í byrjunarliðið fyrir þennan leik í þriðju umferð deildabikarsins.
Gordon verður sautján ára eftir tvær vikur en hann er kantmaður sem getur einnig spilað fyrir aftan framherjann. Hann á að baki þrjá leiki fyrir yngri landslið Englands.
Liverpool greiddi Derby eina milljón punda fyrir leikmanninn í fyrra og getur kaupverðið hækkað upp í þrjár millljónir punda.
Byrjunarlið Liverpool er mjög breytt frá síðasta deildarleik gegn Crystal Palace. Aðeins Ibrahima Konate og Kostas Tsimikas halda sæti sínu í byrjunarliðinu. Hinn 18 ára gamli Connor Bradley spilar jafnframt sinn fyrsta aðalliðsleik fyrir Liverpool.
Byrjunarlið Liverpool: Kelleher, Bradley, Konate, Gomez, Tsimikas, Keita, Jones, Oxlade-Chamberlain, Gordon, Minamino, Origi.
(Varamenn: Adrian, Henderson, Jota, Robertson, Phillips, Morton, Balagizi)
𝐓𝐞𝐚𝐦 𝐧𝐞𝐰𝐬 𝐢𝐬 𝐢𝐧 👊
— Liverpool FC (@LFC) September 21, 2021
This is how we line-up for tonight’s @Carabao_Cup tie against @NorwichCityFC!
Kaide Gordon and Conor Bradley make their senior debuts, @J_Gomez97 is captain 🔴
Athugasemdir