Fotbolti.net
22.01.14 - 17:30
Magnús Már Einarsson

Mido tekur við Zamalek (Staðfest)

Mido tekur við Zamalek (Staðfest)
Canon

Mynd: Getty Images

Mido hefur verið ráðinn þjálfari hjá Zamalek í heimalandi sínu Egyptalandi.

Hinn þrítugi Mido verður um leið yngsti þjálfarinn í sögu egypska fótboltans en hann tekur við Zamalek af Helmi Toulan.
,,Ég vil segja við þá sem gagnrýna ráðninguna út af aldri mínum að þetta þykir eðlilegt í Evrópu og ég er klár í þessa áskorun,\" sagði Mido sem lék áður með Zamalek.

,,Ég var alltaf leiðtogi á vellinum. Ég hafnaði tilboði um að þjálfa unglingalið PSG, Masry í Egyptalandi og önnur lið til að taka við mínu ástkæra félagi.\"

Mido lagði skóna á hilluna í fyrra en hann lék meðal annars með Ajax, Celta Vigo, Marseille, Roma, Tottenham, Middlesbrough, Wigan og West Ham á ferli sínum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.