Það eru tveir leikir í Fótbolta.net mótinu þennan miðvikudaginn.
Klukkan 17:30 verður flautað til leiks í Reykjaneshöllinni þar sem Haukar heimsækja Keflvíkinga í B-deild Fótbolta.net mótsins. Keflavík hefur unnið báða leiki sína, en Haukar eru með þrjú stig úr tveimur leikjum.
Haukar þurfa að vinna sex marka sigur til að komast yfir Keflavík á toppi riðilsins og vinna hann. Keflavík er með +11 í markatölu fyrir leiknn. Sigurlið riðilsins spilar um sigur í B-deild mótsins.
Í C-deild Fótbolta.net mótsins mætast Árborg og Elliði. Sá leikur er í riðli 2, en í honum eru einnig Kórdrengir og Augnablik. Kórdrengir unnu Augnablik í fyrsta leik riðilsins eru því á toppi hans sem stendur.
Þá er einnig leikið í Kjarnafæðismótinu í dag þar sem KA 3 og Samherjar mætast í B-deildinni. Hvorugt lið er með stig fyrir leikinn í kvöld.
Leikir dagsins:
Fótbolta.net mótið - B-deild, Riðill 2:
17:30 Keflavík - Haukar (Reykjaneshöllin)
Fótbolta.net mótið - C-deild, Riðill 2:
20:00 Árborg - Elliði (JÁVERK-völlurinn)
Kjarnafæðismót karla - B-deild:
20:45 KA 3 - Samherjar (Boginn)
Athugasemdir