22.02.22 - 07:00
Ívan Guðjón Baldursson
Katie Pingel og Annie Williams í sænska boltann (Staðfest)


Mynd: KR


Mynd: KR

Kalmar eru nýliðar í efstu deild kvenna í Svíþjóð eftir að hafa komist upp úr næstefstu deild á síðustu leiktíð.
Liðið er því að styrkja sig í vetur og var að krækja í tvo leikmenn úr íslenska boltanum fyrir keppnistímabilið sem byrjar í lok mars.
Kalmar krækti í þær bandarísku Kathleen Rebecca Pingel frá KR og Antoinette Jewel Williams frá ÍBV.
Katie Pingel skoraði 8 mörk í 15 leikjum með KR í Lengjudeild kvenna í fyrra á meðan varnarmaðurinn Annie Williams var lykilmaður í liði ÍBV í Pepsi Max-deildinni.
Hjá Kalmar verða þær liðsfélagar landsliðskonunnar Hallberu Gísladóttur.
