Everton var refsað fyrir brot á fjármálareglum í nóvember í fyrra og tíu stig voru dregin af liðinu í kjölfarið.
Félaginu fannst niðurstaðan full hörð en þetta er harðasti dómur sem félag hefur fengið í sögu úrvalsdeildarinnar.
Everton áfrýjaði dómnum og Sean Dyche stjóri liðsins sagði frá því á fréttamannafundi í dag að félagið vonaðist til að fá svar við áfrýjuninni í lok þessa mánaðar.
Eins og staðan er í dag er Everton með 20 stig í 17. sæti deildarinnar.
Bítlaborgarfélagið gæti fengið frekari refsingu eftir að úrvalsdeildin ákærði félagið ásamt Nottingham Forest fyrir brot á fjármálareglum á síðasta keppnistímabili.
Athugasemdir