Keflavík og Breiðablik gerðu jafntefli í 3. umferð Bestu deildarinnar í kvöld. Leikurinn var nánast tíðindalaus og markalaust í fyrsta grasleik Bestu deildarinnar þetta tímabilið.
Stefan Ljubicic sóknarmaður Keflavíkur missti af síðasta leik, gegn Fram, vegna meiðsla og það kom mörgum á óvart að sjá hann í byrjunarliðinu í kvöld.
Hann ræddi við Fótbolta.net eftir leikinn í kvöld og fékk fyrst spurningu um hvernig hefði verið að spila þennan fyrsta grasleik tímabilsins?
Stefan Ljubicic sóknarmaður Keflavíkur missti af síðasta leik, gegn Fram, vegna meiðsla og það kom mörgum á óvart að sjá hann í byrjunarliðinu í kvöld.
Hann ræddi við Fótbolta.net eftir leikinn í kvöld og fékk fyrst spurningu um hvernig hefði verið að spila þennan fyrsta grasleik tímabilsins?
Lestu um leikinn: Keflavík 0 - 0 Breiðablik
„Það var erfitt. Þetta er þungur völlur, það er apríl en þetta var allt í lagi. Við náðum að spila og þeir líka svo það er ekki hægt að væla."
Eftir að hafa tapað fyrstu tveimur leikjum sínum er Keflavík komið á blað. Er Stefan ánægður með niðurstöðuna?
„Já og nei. Ég vildi þrjá punkta en fyrsta stigið er komið á blað, þetta er langt tímabil og mikilvægt fyrir okkur eftir að hafa tapað þremur leikjum í röð með bikarleiknum. Þetta er gott fyrir sjálfstraustið, á móti einu sterkasta liði í deildinni."
Var tæpt að hann næði að spila þennan leik?
„Ég æfði fyrir tveimur dögum og ákvað bara að prófa þetta. Ég er smá tognaður í liðböndum en það er bara teipað og maður tekur tvær til þrjár verkjatöflur og þá er maður bara góður."
Í viðtalinu ræðir hann um möguleika Keflavíkur á að halda sér í deildinni. Hann er bjartsýnn á að liðið geti það þó hópurinn sé frekar þunnskipaður og viðurkennir að það myndi hjálpa að fá inn liðsstyrk áður en glugganum verður lokað.
