KÁ hafði betur gegn Birninum í toppbaráttuslag í C-riðli 4. deildar karla í gærkvöld.

KÁ tók forystuna þegar fyrri hálfleikur var næstum því á enda kominn. Birgir Þór Þorsteinsson skoraði markið og sá til þess að KÁ leiddi 1-0 í hálfleik.

Snemma í seinni hálfleiknum dró til tíðinda er Jóhann Karl Ásgeirsson, leikmaður KÁ, fékk gult spjald á 55. mínútu og annað gult mínútu síðar. Honum var vísað af velli og KÁ einum færri í 40 mínútur sirka.

Þrátt fyrir það þá tókst Hafnarfjarðarfélaginu að halda út og landa sigrinum. Mikilvæg þrjú stig í hús fyrir KÁ sem er á toppi riðilsins með 17 stig eftir sjö leiki. Björninn er með 12 stig í fjórða sæti.