banner
   fim 22. ágúst 2019 16:10
Magnús Már Einarsson
Skýrist á morgun hvort Özil og Xhaka spili gegn Liverpool
Mesut Özil.
Mesut Özil.
Mynd: Getty Images
Það kemur í ljós eftir æfingu Arsenal á morgun hvort Mesut Özil og Granit Xhaka verði í nægilega góðu standi til að spila gegn Liverpool á laugardag.

Özil var fjarri góðu gamni gegn Burnley um síðustu helgi vegna veikinda á meðan Xhaka hefur verið að glíma við meiðsli á fæti.

„Við skoðum þá á morgun. Þeir æfðu í dag en við þurfum að taka síðustu æfinguna á morgun," sagði Unai Emery, stjóri Arsenal.

„Ég er jákvæður fyrir hönd þessara leikmanna en ég vil ekki ákveða neitt í dag því að hlutirnir gætu breyst á morgun."

Özil gæti spilað sinn fyrsta leik á tímabilinu en í fyrsta leiknum gegn Newcastle var hann utan hóps af öryggisástæðum eftir að ræningjar réðust á hann og Sead Kolasinac.
Athugasemdir
banner
banner
banner
banner