West Ham vann Man Utd 2-0 með mörkum frá Andriy Yarmolenko og Aaron Cresswell en United hefur aðeins náð í átta stig úr fyrstu sex leikjunum.

Phil Jones var ekki í leikmannahópnum hjá United í dag en hann sat upp í stúku. Ed Woodward, framkvæmdastjóri United, sat fyrir neðan hann en margir velta því fyrir sér hvað Jones sagði á myndskeiðinu sem er komið í birtingu.

„Sacked in the morning" eða rekinn í fyrramálið eru orðin sem virðast koma frá Jones og bregst þá Woodward við því með því að segja „Stop it, we are on camera" eða Hættu þessu, við erum í mynd."

Aðrir telja að Jones hafi verið að segja Woodward hvað stuðningsmenn West Ham væru að syngja og að Woodward hafi sagt Jones að halda sér saman. Dæmi nú hver fyrir sig.