Franski sóknarmaðurinn Anthony Martial (25) getur yfirgefið Manchester United í janúarglugganum. Hann er opinn fyrir því að vera áfram í ensku úrvalsdeildinni en gæti líka skoðað möguleika erlendis. Barcelona hefur verið nefnt sem möguleiki. (Eurosport)

Dean Henderson (24), markvörður Manchester United, vill fara á lán í janúarglugganum. (Sun)

Chelsea undirbýr ný samningstilboð fyrir enska miðjumanninn Mason Mount (22), franska miðjumanninn N'Golo Kante (30) og ítalska miðjumanninn Jorginho (29). (Sun)

Chelsea var tilbúið að bjóða 86 milljónir punda í brasilíska varnarmanninn Marquinhos (27) hjá Paris St-Germain í sumar. (RMC Sport)

Pólski sóknarmaðurinn Robert Lewandowski (33) segir að hann þurfi ekkert að sanna sig í annarri deild eftir að hann vann gullskó Evrópu fyrir 41 deildarmark með Bayern München á síðasta tímabili. (Mirror)

Manchester City fylgist með spænska framherjanum Mikel Oyarzabal (24) hjá Real Sociedad. (TeamTalk)

Arsenal er tilbúið að selja Bernd Leno (29) eftir kaupin á Aaron Ramsdale (23) í sumar. (Eurosport)

Barcelona er tilbúið að losa sig við Ronald Koeman og er horft til Roberto Martínez, landsliðsþjálfara Belgíu, sem besta kostinn í hans stað. (Goal)

Eina sem gerir það að verkum að Koeman er enn í starfi hjá Börsungum er hversu kostnaðarsamt það er að reka hann. (Guillem Balague)

Joan Laporta, forseti Barcelona, hefur ekki gefið það upp á bátinn að ná að lokka Pep Guardiola, stjóra Manchester City, aftur á Nývang. Undir hans stjórn vann Barcelona þrjá Spánarmeistaratitla og tvo Meistaradeildartitla milli 2008-2012. (El Nacional)

Brendan Rodgers, stjóri Leicester City, er á blaði hjá Barcelona en félagið skoðar möguleika sína. (90 Min)

Andrés Iniesta (37), fyrrum miðjumaður Spánar, telur að fyrrum liðsfélagi sinn hjá Barcelona, Xavi, sé tilbúinn að taka við á Nývangi. Xavi stýrir nú Al Sadd í Katar. (Goal)

Spænski vængmaðurinn Marco Asensio (25) gæti yfirgefið Real Madrid ef hann fær ekki meiri spiltíma undir Carlo Ancelotti. (Cadena Ser)

Ancelotti segir það eðlilegt að þeir sem ekki séu að spila séu óánægðir en Asensio sé að æfa vel og muni fá frekara tækifæri. (Marca)

Portúgalski miðjumaðurinn Joao Palhinha (26) er að fá launahækkun hjá Sporting Lissabon en hann hefur verið orðaður við Everton, Tottenham og Wolves í sumar. (A Bola)

Lewis O'Brien (22), enski miðjumaðurinn hjá Huddersfield, hefur samþykkt nýjan samning þrátt fyrir fjögur tilboð frá Leeds United. (Football Insider)

Andre Onana (25), kamerúnski markvörðurinn hjá Ajax, vekur áhuga Inter og Napoli. (Calciomercato)

Serbneski sóknarmaðurinn Dusan Vlahovic (21) sem var orðaður við Tottenham í sumar segist hafa ákveðið að vera áfram hjá Fiorentina þar sem hann telur sig geta haldið áfram að vaxa og orðið betri hjá félaginu. (Dazn)