Fotbolti.net
22.10.14 - 06:00
Elvar Geir Magnússon

Arnar Freyr Ólafsson í Leikni (Staðfest)

Arnar Freyr með þjálfurum Leiknis; Frey Alexanderssyni og Davíð Snorra Jónassyni.

Arnar Freyr með þjálfurum Leiknis; Frey Alexanderssyni og Davíð Snorra Jónassyni.

Canon

Mynd: Leiknir.com

Markvörðurinn Arnar Freyr Ólafsson er genginn í raðir Leiknis en frá þessu greindi heimasíða Breiðholtsliðsins í gær.

Arnar var í herbúðum Leiknis stærstan hluta síðasta sumar á láni frá Fjölni og lék einn leik með liðinu í 1. deildinni, gegn BÍ/Bolungarvík fyrir vestan.
Arnar er fæddur 1993 og er uppalinn hjá Fjölni en hann kom við sögu í einum leik með liðinu í Pepsi-deildinni á liðnu sumri,

„Leiknismenn eru ánægðir að fá Arnar aftur í raðir félagsins enda drengur góður og topp markvörður sem fellur að leikmannahópi Leiknis einsog flís við rass,\" segir á Leiknir.com.

Arnar mun veita Eyjólfi Tómassyni, aðalmarkverði Leiknis, samkeppni en Eyjólfur var valinn í úrvalslið ársins í 1. deild þar sem Leiknir endaði í efsta sæti og mun því leika í Pepsi-deildinni í fyrsta sinn næsta sumar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.