Alexandra Toth í KR (Staðfest)

Alexandra hefur leikið á Íslandi frá sumrinu 2011 þegar hún lék með Þrótti í Pepsi-deildinni. Hún skipti yfir í Fylki eftir tímabilið og lék með þeim í Pepsi-deildinni á liðnu sumri áður en hún skipti aftur yfir í Þrótt og hjálpaði liðinu að komast upp um deild.

Alexandra er fædd árið 1990 og leikur yfirleitt á miðjunni. Hún hefur spilað 24 leiki í efstu deild hérlendis og 9 í 1. deildinni. Þá hefur Alexandra verið viðriðin ungverska landsliðið og kemur án efa til með að styrkja ungt lið KR í baráttunni sem framundan er í 1.deildinni.