Það verður ekkert spilað í það minnsta til 30. apríl á Englandi og jafnvel fram í maí en það hefur verið rætt um möguleika á því að spila fyrir luktum dyrum.

Margir leikmenn ensku úrvalsdeildarinnar sýna því skilning til að koma í veg fyrir útbreiðslu á kórónaveirunni en smit aukast með hverjum deginum og eins og ástandið er í dag þá eru líkur á því að deildin verði ekki kláruð fyrr en í sumar í fyrsta lagi.

Barnes segir líklegast í stöðunni að spilað verði án áhorfenda.

„Ég held að það sé ekkert annað í stöðunni og leikmenn skilja það alveg. Í eðlilegum heimi þá væri spilað fyrir framan fullan völl en við búum ekki í eðlilegum heimi í dag og leikmenn átta sig á því," sagði Barnes.

„Ég hef verið í sambandi við leikmennina daglega og þeir vilja auðvitað ekki spila án þess að hafa stuðningsmennina en raunveruleikinn er líka sá að stærstur partur af innkomu leikmanna er fjármagnað í gegnum sjónvarpstekjur og það þarf að virða samninga."

„Til að við getum varið leikmennina og rétt þeirra til að fá launin þá þarf að klára tímabilið og þannig verður það að vera. Það voru flestir leikmenn sammála því," sagði hann í lokin.