23.03.25 - 07:30
Ívan Guðjón Baldursson
Chris Wood fékk gult spjald fyrir að gefa eiginhandaráritanir
33 ára Wood hefur skorað 44 mörk í 81 landsleik.
Mynd: EPA
33 ára Wood hefur skorað 44 mörk í 81 landsleik.
Mynd: EPA
Chris Wood framherji Nottingham Forest var í banastuði með nýsjálenska landsliðinu á föstudaginn.
Nýja-Sjáland rúllaði yfir Fídjí í undankeppni Eyjaálfu fyrir HM 2026 þar sem lokatölur urðu 7-0. Wood skoraði þrennu í leiknum og fagnaði dátt eftir að hafa gert þriðja markið.
Wood var skipt af velli eftir að hann fullkomnaði þrennuna en í stað þess að setjast á varamannabekkinn fór hann upp í stúku að spjalla við áhorfendur og veita eiginhandaráritanir, meðan leikurinn var enn í gangi.
Dómarinn var ekki sáttur með þessa hegðun sem truflaði einbeitingu áhorfenda frá leiknum og ákvað að stöðva framherjann með því að gefa honum gult spjald.
Nýja-Sjáland er núna aðeins einum sigri frá því að tryggja sér sæti á HM 2026 í Norður-Ameríku.
Wood var skipt af velli eftir að hann fullkomnaði þrennuna en í stað þess að setjast á varamannabekkinn fór hann upp í stúku að spjalla við áhorfendur og veita eiginhandaráritanir, meðan leikurinn var enn í gangi.
Dómarinn var ekki sáttur með þessa hegðun sem truflaði einbeitingu áhorfenda frá leiknum og ákvað að stöðva framherjann með því að gefa honum gult spjald.
Nýja-Sjáland er núna aðeins einum sigri frá því að tryggja sér sæti á HM 2026 í Norður-Ameríku.
