Byrjunarlið Þórs og Fram: Nýr völlur frumsýndur - Siggi gerir þrjár breytingar

Sigurður Heiðar Höskuldsson, þjálfari Þórs, gerir þrjár breytingar frá tapinu gegn KR í síðustu umferð. Ragnar Óli Ragnarsson er ekki með í dag og þeir Ágúst Eðvald Hlynsson og Sigfús Fannar Gunnasson taka sér sæti á bekknum. Inn í liðið koma þeir Isaac Atanga, Sverrir Páll Ingason (2008) og Bjarni Guðjón Brynjólfsson. Peter Ingi Helgason kemur inn á bekkinn. Þrír leikmenn fæddir 2008 byrja hjá Þór. Búast má við því að Ásbjörn Líndal spili í hjarta varnarinnar hjá Þór í fjarveru Ragnars Óla.

Rúnar Kristinsson, þjálfari Fram, gerir eina breytingar á sínu liði frá sigrinum gegn Keflavík í síðustu umferð. Ægir Jarl Jónasson kemur inn í liði fyrir Israel Garcia sem tekur sér sæti á bekknum. Jakob Byström snýr aftur eftir leikbann og er á bekknum.