Fotbolti.net
23.05.16 - 19:08
Hafliði Breiðfjörð

Pétur Viðars og Sonni snúa aftur í FH (Staðfest)

Pétur Viðarsson er í leikmannahópi FH gegn Stjörnunni í kvöld.

Pétur Viðarsson er í leikmannahópi FH gegn Stjörnunni í kvöld.

Canon

Mynd: Fótbolti.net - Hafliði Breiðfjörð

Varnarmaðurinn sterki Pétur Viðarsson er genginn í raðir FH að nýju og er í leikmannahópi liðsins sem mætir Stjörnunni í 5. umferð Pepsi-deildarinnar klukkan 20:00 í kvöld.
Smelltu hér til að fara í beina textalýsingu leiksins

Pétur hætti með FH síðasta haust til að snúa sér að námi í Ástralíu. Hann hafði upphaflega ætlað að fara til Ástralíu á miðju síðasta sumri en ákvað svo að klára mótið og varð Íslandsmeistari með FH síðasta haust.

Hann ákvað svo að hætta knattspyrnuiðkun í bili en er nú snúinn aftur til félagsins og er í leikmannahópnum í kvöld.

FH missti Guðmann Þórisson í KA sólarhring áður en Íslandsmótið hófst í byrjun maí og hafði tilkynnt að færeyski landsliðsmaðurinn Sonni Ragnar Nattestad hafi verið lánaður til Færeyja.

Svo virðist sem félagið hafi hætt við félagaskipti Sonni Ragnars þvi miðvörðurinn er í leikmannahópi FH gegn Stjörnunni í kvöld, annan leikinn í röð sem hann er í hóp hjá Íslandsmeisturunum.
Sonni Ragnar er í leikmannahópi FH í kvöld.

Sonni Ragnar er í leikmannahópi FH í kvöld.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.