Laugardalsvöllur, þjóðarleikvangur Íslands, hefur verið í umræðunni í mörg ár enda er leikvangurinn svo sannarlega barn síns tíma og löngu kominn tími á að endurbyggja hann.
Málefni vallarins hafa verið í miklum hægagangi og lítið sem ekkert þokast áfram síðustu árin.
Bjarni Benediktsson fjármálaráðherra segir við mbl.is að Reykjavíkurborg sé ekki tilbúin að taka þátt í kostnaði við enduruppbyggingu vallarins.
„Það sem er kannski að koma í ljós er að Reykjavíkurborg virðist ekki tilbúin að taka á sig þann stofnkostnað sem leiðir af hlutdeild hennar í félaginu, þótt hún hafi lagt mikið kapp á það í upphafi að hafa meirihluta," segir Bjarni.
„Það er mikilvægt að það liggi fyrir að hvaða marki Reykjavíkurborg sér ávinning af því að hafa þjóðarleikvang í Reykjavík. Það er ekki fyrirfram gefin niðurstaða en við vildum leggja af stað með verkefnið í þeirri trú að Reykjavíkurborg legði upp úr því að mannvirkið risi í höfuðborginni og í Laugardalnum. En það hefur ekki fengist botn í það samtal. Ég hef lagt áherslu á að í millitíðinni séum við að nýta tímann til að greina þá valkosti sem við stöndum frammi fyrir."
Rætt hefur verið um möguleika á að byggja nýjan þjóðarleikvang utan Reykjavíkur og líklegt að sú umræða fari á enn meira skrið núna. Guðni Bergsson, formaður KSÍ, sagði við Morgunblaðið í gær að boltinn sé hjá borginni varðandi framhaldið í málum vallarins.
Málefni vallarins hafa verið í miklum hægagangi og lítið sem ekkert þokast áfram síðustu árin.
Bjarni Benediktsson fjármálaráðherra segir við mbl.is að Reykjavíkurborg sé ekki tilbúin að taka þátt í kostnaði við enduruppbyggingu vallarins.
„Það sem er kannski að koma í ljós er að Reykjavíkurborg virðist ekki tilbúin að taka á sig þann stofnkostnað sem leiðir af hlutdeild hennar í félaginu, þótt hún hafi lagt mikið kapp á það í upphafi að hafa meirihluta," segir Bjarni.
„Það er mikilvægt að það liggi fyrir að hvaða marki Reykjavíkurborg sér ávinning af því að hafa þjóðarleikvang í Reykjavík. Það er ekki fyrirfram gefin niðurstaða en við vildum leggja af stað með verkefnið í þeirri trú að Reykjavíkurborg legði upp úr því að mannvirkið risi í höfuðborginni og í Laugardalnum. En það hefur ekki fengist botn í það samtal. Ég hef lagt áherslu á að í millitíðinni séum við að nýta tímann til að greina þá valkosti sem við stöndum frammi fyrir."
Rætt hefur verið um möguleika á að byggja nýjan þjóðarleikvang utan Reykjavíkur og líklegt að sú umræða fari á enn meira skrið núna. Guðni Bergsson, formaður KSÍ, sagði við Morgunblaðið í gær að boltinn sé hjá borginni varðandi framhaldið í málum vallarins.
Jæja þá er ástæðan fyrir seinaganginum komin í ljós. Nú þarf KSÍ að keyra á nýjan þjóðarleikvang utan Reykjavíkur. https://t.co/viAbYdSIea
— Daníel Rúnarsson (@danielrunars) June 23, 2021
Athugasemdir