Jason Daði hefur leikið 59 deildarleiki með Aftureldingu og skorað 21 mörk. Hann á að auki að baki 32 leiki í öðrum keppnum.

„Við bjóðum Jason Daða hjartanlega velkominn í Kópavoginn um leið og við óskum honum góðs gengis í baráttunni það sem eftir er af núverandi timabili með heimafélaginu sínu í Mosfellsbæ," segir í tilkynningu Breiðabliks.

Jason hefur vakið mikla athygli í Lengjudeildinni og fleiri félög sýndu honum áhuga.

Hjá Breiðabliki mun hann spila með Róberti Orra Þorkelssyni á ný en þeir voru samherjar hjá Aftureldingu í fyrra.

Afturelding er í sjöunda sæti Lengjudeildarinnar en Breiðablik er í fjórða sæti Pepsi Max-deildarinnar. Blikar mæta HK í Kórnum klukkan 20:15 í kvöld.