Ágúst Hlynsson var í byrjunarliði Horsens er liðið hóf leik í dönsku 1. deildinni í kvöld.
Horsens féll úr dönsku úrvalsdeildinni í fyrra þar sem Ágúst var ekki í stóru hlutverki. Hann var lánaður til FH þar sem hann fékk að spila fyrri hluta tímabilsins í Pepsi Max-deildinni.
Hann kom inn í byrjunarlið Horsens í dag sem er vonandi það sem koma skal á þessu tímabili hjá honum. Hann spilaði þó bara fyrri hálfleikinn og var tekinn af velli í hálfleik.
Því miður voru úrslitin ekki Horsens í hag, því þeir töpuðu á heimavelli gegn HB/Köge. Staðan var markalaus í hálfleik en í seinni hálfleik gengu gestirnir á vaðið og skoruðu tvö mörk. Lokaniðurstaðan 0-2 sigur Jon Flanagan og félaga í HB/Köge.
Þetta var sem fyrr segir fyrsti leikur Horsens í dönsku 1. deildinni á tímabilinu. Næst á liðið útileik við Fremad Amager.
Athugasemdir