Dæmir sinn fyrsta leik í Bestu deildinni

Það eru fimm leikir í Bestu deild karla í dag, þar á meðal er leikur Keflavíkur og ÍBV. Dómari leiksins verður Sveinn Arnarsson en hann er að fara að dæma sinn fyrsta leik í deildinni.

Hann hefur undanfarin ár starfað sem fjórði dómari í Bestu deildinni en þetta verður hans fyrsti leikur sem aðaldómari í efstu deild karla.

Patrik Freyr Guðmundsson og Jovan Subic verða aðstoðardómarar og Jóhann Ingi Jónsson fjórði dómari.