Fotbolti.net
23.09.14 - 20:37
Elvar Geir Magnússon

Óli Stefán hættur með Sindra (Staðfest)

Óli Stefán Flóventsson.

Óli Stefán Flóventsson.

Canon

Mynd: Fótbolti.net - Magnús Már Einarsson

Óli Stefán Flóventsson er hættur sem þjálfari 2. deildarliðs Sindra á Höfn í Hornafirði en frá þessu er greint á heimasíðu félagsins.

Sindri hafnaði í fimmta sæti 2. deildar á liðnu tímabili en Óli Stefán hefur þjálfað liðið síðustu fimm ár og er mikil ánægja með hans frammistöðu.
Heimasíða Sindra birtir yfirlýsingu frá Óla Stefáni sem sjá má hér að neðan:

„Sælir Sindramenn nær og fjær.

Ég tilkynnti stjórn knattspyrnudeildar Sindra í morgun að ég ætli ekki að halda áfram sem þjálfari Sindra.

Ég hef starfað hjá þessu magnaða félagi í fimm frábær ár og átt þátt í stórkostlegri uppbyggingu sem hefur átt sér stað þar sem margar hendur hafa lagst á eitt með það að leiðarljósi að bæta fótbolta og íþrótta umhverfið hér á Höfn.

Eftir stendur að Sindri er núna góður 2. deildar klúbbur með frábæra aðstöðu og mikla möguleika til að ná lengra á réttum forsendum.

Ég geng því frá borði mjög stoltur og ánægður og þakka öllu því mikla fagfólki sem ég hef starfað með fyrir frábæra tíma.Óli Stefán

Áfram Sindri

Óli Stefán Flóventsson.\"
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.