Þýskaland: Kolbeinn skoraði fyrir varalið Dortmund

Kolbeinn Birgir Finnsson skoraði í góðum sigri varaliðs Dortmund gegn Wiedenbruck í þýsku D-deildinni.

Dortmund er á toppi síns riðils eftir sigurinn, með 13 stig eftir 5 umferðir.

Kolbeinn, sem er uppalinn hjá Fylki, gekk í raðir Dortmund í fyrra eftir að hafa verið hjá Brentford í rúmt ár. Þar áður var hann á mála hjá Groningen í Hollandi í tvö ár.

Kolbeinn er fæddur 1999 og á 40 landsleiki að baki fyrir Ísland, tveir þeirra eru fyrir A-liðið og hinir fyrir yngri liðin.