Cristiano Ronaldo, leikmaður Manchester United, var í viðtali við SkySports þar sem hann ræddi ýmis mál tengd félaginu.
Hann var spurður út í viðbrögð sín eftir að flautað hafi verið til leiksloka í leik Manchester United og Everton á Old Trafford fyrr á tímabilinu.
Mörgum til mikillrar undrunnar þá byrjaði Ronaldo þann leik á bekknum en kom snemma inn á í síðari hálfleik. Leiknum lauk með 1-1 jafntefli og eftir leik strunsaði Ronaldo inn í búningsklefann, hundsvekktur.
„Fyrir mig, að gera jafntefli gegn Everton á heimavelli, með fullri virðingu, var eins og tap fyrir mig. Svona hvet ég mig áfram og vinn titla allan minn feril og spila fyrir stærstu félögin," sagði Ronaldo.
Ronaldo og félagar í Manchester United eiga stórleik á morgun en þá kemur Liverpool í heimsókn á Old Trafford.
Athugasemdir
