Conor Coady er miðvörður og fyrirliði Wolves í enska boltanum. Hann afrekaði það um helgina að spila allar mínúturnar í hundraðasta deildarleiknum í röð.
Coady, sem verður 27 ára á morgun, hefur einnig spilað allar mínúturnar í enska FA bikarnum og Evrópudeildinni. Hann var síðast hvíldur í FA bikarnum í tapleik gegn Swansea fyrir tveimur árum.
Á þessum tíma hefur Coady ekki orðið fyrir meiðslum eða verið dæmdur í leikbann.
Coady ólst upp hjá Liverpool og var fyrirliði U21 liðsins. Hann heldur með félaginu enn í dag.
Úlfarnir hafa verið að gera fína hluti á tímabilinu og eru í áttunda sæti úrvalsdeildarinnar, tveimur stigum frá Evrópusæti.
Conor Coady has played every single minute of our last 100 league games.
— Wolves (@Wolves) February 23, 2020
An incredible effort from the skipper.
👏Ⓒ pic.twitter.com/07Dj93tt2x
Athugasemdir