Lengjubikarinn: Þórsarar óstöðvandi eftir sigur í Kórnum

Þór heimsótti HK í Kórinn í riðli þrjú í Lengjubikarnum í dag.

Þórsarar eru á toppi riðilsins með fullt hús stiga eftir þrjár umferðir eftir sigur í Kórnum í dag.

Ingimar Arnar Kristjánsson kom liðinu yfir undir lok fyrri hálfleiks og Arnar Ingi Magnússon tryggði Akureyringunum sigurinn eftir klukkutíma leik.

HK er aðeins með eitt stig eftir fjóra leiki í 4. sæti riðilsins.