Byrjunarlið ÍBV og Fram: Markaskorararnir koma inn - Valor á bekknum

Klukkan 16:00 hefst fyrri leikur dagsins í Bestu deildinni þegar ÍBV tekur á móti Fram á Þórsvellinum. Leikurinn er liður í 3. umferð Bestu deildarinnar. Bæði lið unnu í bikarnum í síðustu viku gegn Bestu deildar liðum; ÍBV gegn Víkingi og Fram gegn FH. En nú er komið aftur að Bestu deildinni.

Þjálfari ÍBV er Þorlákur Árnason, Láki, og gerir hann eina breytingu frá jafnteflinu gegn Aftureldingu í síðustu umferð. Omar Sowe kemur inn fyrir Hermann Þór Ragnarsson. Sowe skoraði tvö mörk í sigrinum gegn Víkingi í bikarnum. Sverrir Páll Hjaltested kemur þá inn í hópinn ásamt Vicente Valor sem ÍBV keypti frá KR í vikunni. Hermann og Jovan Mitrovic eru ekki í hópnum í dag.