Ármann í baráttunni við Bjarka Hauksson.
Ármann Ingi Finnbogason kom sterkur inn af bekk Víkinga í gær og lagði hann upp sigurmarkið á Óskar Borgþórsson með frábærri fyrirgjöf í 3-2 sigri Íslandsmeistarana á Stjörnunni.
Ármann er örvfættur hægri kantmaður sem er fæddur árið 2004 og er uppalinn hjá ÍA. Hann lék á láni hjá Grindavík í Lengjudeildinni síðasta sumar en var keyptur frá Skaganum í Víkina fyrr í vetur.
Ármann er örvfættur hægri kantmaður sem er fæddur árið 2004 og er uppalinn hjá ÍA. Hann lék á láni hjá Grindavík í Lengjudeildinni síðasta sumar en var keyptur frá Skaganum í Víkina fyrr í vetur.
Lestu um leikinn: Víkingur R. 3 - 2 Stjarnan
„Hann koma ótrúlega líflegur og skemmtilegur inn í þetta. Óhræddur og var að eiga hættulegar sendingar. Átti auðvitað þessa stoðsendingu á Óskar. Þetta er leikmaður með hátt skemmtanagildi,“ sagði Elvar Geir í Innkastinu í gær.
Valur Gunnarsson tók orðið; „Þeir máttu við þessari skiptingu, mér fannst þetta svolítið hugmyndasnautt hjá Víkingum fram á við. Hann kom með kraft inn í þetta.“
Hægt er að hlusta á Innkastið í spilaranum hér að neðan og á öllum helstu hlaðvarpsveitum.
Óskar Borgþórs skoraði sigurmarkið eftir fyrirgjöf Ármanns! ?????? #bestadeildin pic.twitter.com/mz125Cq1f7
— Besta deildin (@bestadeildin) April 23, 2026
