Fotbolti.net
24.05.16 - 12:00
Hafliði Breiðfjörð

Spánverjinn hættur í Breiðabliki (Staðfest)

Sergio Carrallo Pendás er farinn frá Breiðabliki eftir að hafa ekki komist í hóp í Pepsi-deildinni í sumar.

Sergio Carrallo Pendás er farinn frá Breiðabliki eftir að hafa ekki komist í hóp í Pepsi-deildinni í sumar.

Canon

Mynd: Fótbolti.net - Hafliði Breiðfjörð

Breiðablik tilkynnti í morgun á vefnum Blikar.is að spænski framherjinn Sergio Carrallo Pendás hafi yfirgefið félagið.

Hann var á mála hjá Real Madrid á sínum tíma er hann var í yngri flokkunum og kom til Breiðabliks frá Spáni fyrir áramót. Eftir að hafa spilað æfingaleik með liðinu var ákveðið að semja við hann.
Hann spilaði töluvert á undirbúningstímabilinu með Blikaliðinu en hefur ekki verið í leikmannahópnum frá því að Pepsí-deildin hófst.

„Það varð því að samkomulagi að Spánverjinn héldi heim á leið og reyndi fyrir sér á öðrum slóðum. Knattspyrnudeildin þakkar Sergio Carvallo fyrir góð kynni og óskar honum alls velfarnaðar á nýjum slóðum,\" segir í tilkynningu félagsins.

Blikar eru í fimmta sæti Pepsi-deildarinnar þegar fimm umferðum er lokið.

Heimild: Blikar.is

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.