Leiknir R. hefur tryggt sér Hjalta Sigurðsson á lánssamningi út tímabilið frá KR annað árið í röð.
Hjalti var hjá Leikni í fyrra og spilaði 19 leiki í deild og bikar er Leiknir endaði þremur stigum frá toppsæti 1. deildarinnar.
Hjalti er fæddur árið 2000 og getur spilað sem bakvörður og á miðju. Hann á þrjá leiki að baki fyrir KR í Pepsi-deildinni og einn fyrir KV í 3. deild.
Hjalti er fjórði leikmaðurinn sem gengur í raðir Leiknis í ár. Brynjar Hlöðversson og tvíburarnir Dagur og Máni Austmann eru einnig búnir að skrifa undir hjá félaginu.
Hjalti er mættur aftur 🥰 Hjalti Sigurðsson kemur til okkar aftur á láni frá KR og verður í lykilhlutverki í Breiðholti í sumar. Geggjaðar fréttir sem Leiknisfólk fagnar! #StoltBreiðholts pic.twitter.com/vakAidsHJe
— Leiknir Reykjavík FC (@LeiknirRvkFC) May 24, 2020
Athugasemdir