Besta deildin: Fram vann í mögnuðum leik

Breiðablik fékk Fram í heimsókn í mögnuðum leik á Eikarvellinum í Kópavogi í kvöld. Breiðablik náði forystunni snemma leiks þegar Davíð Ingvarsson skoraði með skoti úr teignum.

Róbert Hauksson jafnaði metin stuttu síðar og Haraldur Einar Ásgrímsson kom Fram yfir strax í kjölfarið eftir sendingu frá Róberti.

Vuk Oskar Dimitrijevic skoraði síðan þriðja mark Fram eftir rúmlega hálftíma leik. Blikar voru í vandræðum með að koma boltanum frá, Haraldur átti skot sem Anton Ari varði út í teiginn og Vuk var fljótur að átta sig og skoraði.

Kennie Chopart skoraði síðan fjórða markið með skoti fyrir utan teiginn. Anton Ari var í boltanum en tókst ekki að halda honum frá markinu.

Blikar gáfust ekki upp og Davíð skoraði sitt annað mark og annað mark Blika snemma í seinni hálfleik. Stuttu síðar skoraði Þorleifur Úlfarssoon sitt fyrst amark fyrir Blika og munurinn orðinn aðeins eitt mark.

Blikar settu mikla pressu á Framara síðustu mínúturnar en tókst ekki að skora jöfnunarmarkið og magnaður sigur Fram staðreynd. Fram er í 3. sæti með 43 stig en Breiðablik er í 4. sæti með 30 stig.