Velska liðið Cardiff City vann þriðja leik sinn í röð í ensku B-deildinni er það heimsótti Sunderland á leikvang ljóssins í dag, en lokatölur urðu 1-0, Cardiff í vil.

Mark Mcguinness skoraði eina mark leiksins á 87. mínútu með skalla eftir hornspyrnu Ryan Wintle.

Íslenski landsliðsmarkvörðurinn Rúnar Alex Rúnarsson var þriðja leikinn í röð á bekknum, en hann er á láni frá Arsenal.

Cardiff er í 7. sæti ensku B-deildarinnar með 13 stig eftir átta leiki.