Lingard kom ekki við sögu, en hann fór að hita upp á ákveðnum tímapunkti.

Er hann var að hita upp þá sást hann svara stuðningsmanni sem sagði eitthvað við hann.

Margir veltu því fyrir sér hvað stuðningsmaðurinn hefði sagt við Lingard, en enski landsliðsmaðurinn uppljóstraði um það á samfélagsmiðlum eftir leik.

„Hann var ekkert að láta mig heyra það! Hann sagði við mig að ég ætti að leggja meira á mig - eins og ég sé ekki að gera það á hverjum degi - og ég sagði við hann að ég væri ekki einu sinni inn á vellinum," skrifaði Lingard á Twitter.

Samskiptin voru ekki meiri en það, en myndband má sjá hér fyrir neðan.