Nagelsmann vildi ekki svara spurningum um Covid

Nagelsmann var með veiruna og er nýbúinn að jafna sig af henni en hann var á hliðarlínunni hjá Bayern í gær er liðið vann Dynamo Kiev, 2-1.

Það hefur verið mikið rætt og ritað um veiruna í tengslum við Bayern en fjölmargir leikmenn liðsins eru óbólusettir og hefur félagið ákveðið að skerða laun þeirra sem kjósa að fá ekki bólusetningu við veirunni.

Félagið hefur þó náð að sannfæra nokkra leikmenn um að fá bóluefni og má þar nefna Joshua Kimmich, einn besta leikmann liðsins.

BILD hefur mikið fjallað um málið og á blaðamannafundi Nagelsmann eftir leikinn í gær vildi blaðamaður frá þeim spyrja Nagelsmann. Þjálfarinn spurði hvort þetta tengdist fótbolta eða covid og var ljóst að blaðamaðurinn vildi ræða um málefni sem væru tengd veirunni.

Nagelsmann afþakkaði það að svara og gekk af fundinum en myndband af því má sjá hér fyrir neðan.

Óbólusettir leikmenn Bayern látnir taka á sig launaskerðingu

Before leaving the post match presser last night, a Bild journalist still wanted to ask a question.
Julian Nagelsmann: "A sporting question or Corona?"

It was about Corona

Nagelsmann: "Corona? Then let's go" and he left pic.twitter.com/vcyB3MWgTe

— Bayern & Die Mannschaft (@iMiaSanMia_en) November 24, 2021