Portúgal 3 - 2 Gana
1-0 Cristiano Ronaldo ('65, víti)
1-1 Andre Ayew ('73)
2-1 Joao Felix ('78)
3-1 Rafael Leao ('80)
3-2 Osman Bukari ('89)
Portúgal og Gana áttust við í fyrstu umferð heimsmeistaramótsins og var staðan markalaus eftir fyrri hálfleik þar sem Portúgalir sýndu mikla yfirburði og áttu Ganverjar ekki eina marktilraun.
Cristiano Ronaldo kom boltanum í netið en dómarinn var búinn að flauta vegna afar léttvægs brots Ronaldo í aðdragandanum. Það reyndist umdeildur dómur og nokkru síðar dæmdi dómarinn aukaspyrnu gegn Joao Felix þegar hann hefði mögulega getað fengið vítaspyrnu.
Síðari hálfleikurinn var talsvert fjörugari en sá fyrri, sérstaklega eftir að Ronaldo braut loks ísinn með marki úr vítaspyrnu sem hann fiskaði sjálfur á 65. mínútu.
Andre Ayew jafnaði fyrir Gana átta mínútum síðar eftir undirbúning frá hinum líflega Mohammed Kudus, eftirsóttum leikmanni Ajax, en fimm mínútum eftir það var Joao Felix búinn að koma Portúgölum yfir á nýjan leik. Skömmu síðar setti varamaðurinn Rafael Leao þriðja mark Portúgals en Ganverjar voru ekki á því að gefast upp.
Osman Bukari minnkaði muninn á 89. mínútu og var bætt níu mínútum við í uppbótartíma. Ganverjum tókst þó ekki að jafna þar sem Portúgalir gerðu vel í að drepa tímann síðustu mínúturnar og gáfu ekki færi á sér fyrr en á lokasekúndunum, þegar Inaki Williams stal boltanum af markverði Portúgala en rann og tókst ekki að nýta sér tækifærið.
Portúgal er með þrjú stig á meðan Úrúgvæ og Suður-Kórea deila einu stigi. Gana er án stiga.
VÍTI VÍTI hver annar er Ronaldo komst í gott færi og það skellt niður í teignum. pic.twitter.com/en8TdkYvNL
— RÚV Íþróttir (@ruvithrottir) November 24, 2022
Þessi gæi, þessi gæi.... Ronaldo með sitt fyrsta mark á HM í Katar. Örugg vítaspyrna og Portúgal er komið yfir 1-0 pic.twitter.com/Ol2J5QTCC9
— RÚV Íþróttir (@ruvithrottir) November 24, 2022
Gana Gana Gana er búið að jafna leikinn en að er Andre Ayew sem skorar og staðan er orðinn 1-1 og rétt um tólf mínútur eftir af venjulegum leiktíma pic.twitter.com/WExb3IIdvP
— RÚV Íþróttir (@ruvithrottir) November 24, 2022
Portúgal er komið i 2-1 - þetta er að verða leikur, draumur Portúgal að vinna fyrsta leik á HM í Katar enn á lífi pic.twitter.com/F3EN2YJGxL
— RÚV Íþróttir (@ruvithrottir) November 24, 2022
Portúgal setur inn þriðja mark sitt í þessum leik, núna var það Rafael Leao sem skorar pic.twitter.com/m1ZWXvZSYb
— RÚV Íþróttir (@ruvithrottir) November 24, 2022
Þetta er leikur, þetta er leikur sem er alls ekki búin. Gana er búið að skora sitt annað mark í þessum leik en það er Osman Bukari sem skallar boltanum í netið eftir góða fyrirgjöf pic.twitter.com/iaO0v7AwGi
— RÚV Íþróttir (@ruvithrottir) November 24, 2022