25.01.25 - 09:36
Elvar Geir Magnússon
Twente blandar sér í slaginn um Kristian Hlyns
Tækifærin hafa verið af skornum skammti hjá Ajax.
Mynd: Getty Images
Tækifærin hafa verið af skornum skammti hjá Ajax.
Mynd: Getty Images
Twente vill fá Kristian Hlynsson í sínar raðir en félagið er í leit að styrkingu á miðsvæðið. Twente situr í fimmta sæti hollensku úrvalsdeildarinnar.
Hollenski miðillinn VI segir að Twente hafi áhuga á að fá Kristian á lán út þetta tímabil, með möguleika á kaupum í sumar. Það er þó talað um að það gæti reynst erfitt fyrir félagið að fjármagna það að fá Kristian, meðal annars vegna launakostnaðar.
Hollenski miðillinn VI segir að Twente hafi áhuga á að fá Kristian á lán út þetta tímabil, með möguleika á kaupum í sumar. Það er þó talað um að það gæti reynst erfitt fyrir félagið að fjármagna það að fá Kristian, meðal annars vegna launakostnaðar.
TENGT EFNI
Staðfestir áhuga á Kristian - „Klárlega áhugaverður einstaklingur"
Kristian, sem er 21 árs, hefur verið utan hóps í síðustu deildarleikjum Ajax og er orðaður við brottför frá félaginu. Sóknarmiðjumaðurinn ungi hefur aðeins komið við sögu í fjórum leikjum í hollensku úrvalsdeildinni á þessu tímabili.
Fleiri félög í hollensku úrvalsdeildinni hafa sýnt Kristian áhuga. Þar hafa NEC Nijmegen, Groningen og Sparta Rotterdam verið nefnd. Þá hefur þýska B-deildarfélagið Fortuna Düsseldorf lýst yfir áhuga á honum.
Fleiri félög í hollensku úrvalsdeildinni hafa sýnt Kristian áhuga. Þar hafa NEC Nijmegen, Groningen og Sparta Rotterdam verið nefnd. Þá hefur þýska B-deildarfélagið Fortuna Düsseldorf lýst yfir áhuga á honum.
