Fylkir og Víkingur hafa misst flest mörk
Leifur Grímsson hefur tekið saman tölfræði yfir helstu breytingar á liðunum í Pepsi Max-deildinni í vetur. Leifur skoðaði hvaða leikmenn eru farnir frá síðasta tímabili og reiknaði út hversu mörg % af mínútum þeir spiluðu fyrir sín lið. Taflan hjá Leifi er neðst í fréttinni.
FH-ingar hafa í vetur misst leikmenn sem spiluðu samtals 34% af mínútum liðsins í fyrra en KA kemur þar á eftir með 27% af mínútum.
KR hefur misst minnst eða einungis 4% af mínútum frá því á síðasta tímabili. Skúli Jón Friðgeirsson og Sindri Snær Jensson eru hættir en það eru einu mennirnir sem Íslandsmeistararnir hafa misst.
Þegar kemur að mörkum hefur Fylkir misst mest eða 34% af mörkum sínum og munar þar mest um Geoffrey Castillion sem skoraði tíu mörk í fyrra.
Víkingur R. hefur misst 32% af mörkum sínum síðan á síðasta tímabili en þar munar mest um Guðmund Andra Tryggvason sem skoraði sjö mörk og Kwame Quee sem skoraði fjögur mörk.
Athugasemdir