Kian Williams er mættur til Keflavíkur
Knattspyrnudeild Keflavíkur tilkynnti í kvöld komu Kian Williams til félagsins frá Magna en hann gerir tveggja ára samning við félagið.
Williams, sem er fæddur árið 2000, er uppalinn hjá Leicester en hefur spilað með Barwell og Stratford í neðri deildunum á Englandi.
Hann spilaði með Magna í Inkasso-deildinni á síðustu leiktíð og skoraði 2 mörk í 8 leikjum.
Hann hefur nú gert tveggja ára samning við Keflavík og mun leika með liðinu í 1. deild karla.
Nacho Heras er þá mættur til landsins en hann samdi við Keflavík um miðjan janúar.
Athugasemdir
