Aron Jóhannsson komst á blað í gær
Hammarby fagnaði 5-1 sigri á Varberg í sænska bikarnum í gær en Aron Jóhannsson skoraði tvö mörk og lagði upp eitt í sigri sænska stórliðsins.
Aron gekk til liðs við Hammarby frá Werder Bremen á síðasta ári og spilaði tíu leiki en honum tókst ekki að skora á síðasta tímabili.
Hann byrjar þetta tímabil af krafti en hann skoraði tvö og lagði upp eitt í 5-1 sigri á Varberg í bikarnum í gær.
Hann gerði fyrsta markið með skoti af stuttu færi áður en hann átti góða sendingu í þriðja marki liðsins. Hann skoraði svo fjórða markið eftir slæm mistök hjá markverði Varberg.
Hægt er að sjá mörkin hér fyrir neðan.
Athugasemdir
