Fotbolti.net
25.04.16 - 20:44
Ívan Guðjón Baldursson

Ferran semur við Aftureldingu (Staðfest)

Næstmarkahæsti maður Leiknis F. í fyrra er genginn til liðs við Mosfellinga

Ferran semur við Aftureldingu (Staðfest)
Canon

Mynd: Jóhanna Kr. Hauksdóttir

Spænski sóknarmaðurinn Fernando Garcia Castellanos, sem lék með Leikni Fáskrúðsfirði í 2. deildinni í fyrra, er búinn að semja við Aftureldingu.

Fernando, betur þekktur sem Ferran, gerði tíu mörk fyrir Leikni síðasta sumar og var í lykilhlutverki er Leiknismenn tryggðu sig upp í 1. deildina.
Ferran var auk þess valinn í lið ársins í vali fyrirliða og þjálfara í 2. deild á lokahófi Fótbolta.net.

„Afturelding býður Ferran hjartanlega velkominn til félagsins og bindur miklar vonir við framlag hans í sumar,\" stendur í fréttatilkynningu frá Aftureldingu.

Afturelding leikur í 2. deildinni í sumar líkt og í fyrra þegar félagið endaði um miðja deild, með 32 stig.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.