Fotbolti.net
25.04.22 - 11:44
Elvar Geir Magnússon

Krefjast útskýringa á því að Liverpool fékk ekki dæmt á sig víti

Anthony Gordon.

Anthony Gordon.

Canon

Mynd: Getty Images

Everton hefur sett sig í samband við dómaranefnd ensku úrvalsdeildarinnar og beðið um útskýringar á því að ekki hafi verið skoðað nánar þegar Anthony Gordon féll í teignum gegn Liverpool í gær.

Staðan var markalaus þegar Anthony Gordon fór niður í baráttunni við Joel Matip og Everton vildi fá vítaspyrnu. Ekkert var dæmt og átta mínútum síðar skoraði Andy Robertson fyrir Liverpool. Leikurinn endaði 2-0.

Everton er komið niður í fallsæti eftir úrslit helgarinnar.
Frank Lampard sagði að ef sama atvik hefði gerst hinumegin þá hefði verið dæmd vítaspyrna.

„Þetta var vítaspyrna, en maður fær þær ekki á Anfield. Ef þetta hefði verið Mohamed Salah þá held ég að dómarinn hefði dæmt. Það var brotið á Anthony," sagði Lampard.

Graeme Souness sagði í sjónvarpssal eftir leik að Everton hefði að sínu mati átt að fá vítaspyrnu.

Sjá einnig:
Souness og Carragher telja heppnina hafa verið með Liverpool

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.