Manchester United og Chelsea mætast á Old Trafford í ensku úrvalsdeildinni klukkan 19:00 í kvöld en United getur tryggt Meistaradeildarsætið.
Erik ten Hag, stjóri United, breytir ekki sigurliði og stillir því upp nákvæmlega sama lið og vann Bournemouth, 1-0, um helgina.
Enski landsliðsmaðurinn Marcus Rashford er á bekknum hjá United en hann hefur misst af síðustu leikjum vegna meiðsla og veikinda.
Frank Lampard gerir þrjár breytingar á liði Chelsea. Mykhailo Mudryk, Carney Chukwuemeka og Noni Madueke koma allir inn í liðið en Raheem Sterling, Thiago Silva og Ruben Loftus-Cheek detta úr liðinu.
Man Utd: De Gea, Lindelöf, Varane, Shaw, Wan-Bissaka, Casemiro, Eriksen, Fernandes, Sancho, Antony, Martial.
Chelsea: Kepa, Chalobah, Fofana, Hall, Azpilicueta, Gallagher, Enzo, Chukwuemeka, Madueke, Mudryk, Havertz.
Athugasemdir