Fotbolti.net
25.06.19 - 22:07
Arnar Helgi Magnússon

Davíð Þór úr Fylki í Kórdrengi (Staðfest)

Davíð í leik með Fylki árið 2018.

Davíð í leik með Fylki árið 2018.

Canon

Mynd: Fótbolti.net - Einar Ásgeirsson

Kórdrengir hafa fengið mikinn liðsstyrk en Davíð Þór Ásbjörnsson mun ganga til liðs við félagið þegar félagsskiptaglugginn opnar þann 1. júlí.

Davíð Þór kemur til liðsins frá Fylki en hann hefur komið við sögu í tveimur leikjum Pepsi Max-deildar liðsins á tímabilinu.
Kórdrengir sitja í 3. sætinu í 3. deild en það er alveg á hreinu að liðið ætlar sér ekkert annað en upp um deild.

Fréttatilkynning Kórdrengja
Nú er rétt tæp vika í að glugginn opnar eða 1. júlí og hafa Kórdrengir fengið gríðarlegan liðsstyrk, Davíð Þór Ásbjörnsson.

Davíð Þór er fæddur 1992 og kemur til okkar frá sínu uppeldisfélagi Fylki. Davíð á að baki um 111 leiki í meistaraflokki, 79 í efstu deild, 16 í Inkasso og 16 í bikar.Hann hefur einnig spilað bæði með U17 og U19 landsliðum Íslands.

Davíð Þór er sterkur og fjölhæfur leikmaður sem getur leyst margar stöður á vellinum og verður hann gjaldgengur með okkur frá og með 1. júlí.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.