3. deild: Höttur/Huginn með enn einn sigurinn

Höttur/Huginn vann tíunda leik sinn á tímabilinu er liðið sigraði KFS 4-1 á Vilhjálmsvelli í 3. deildinni í dag.

Kristófer Einarsson, Pablo Carrascosa, Valdimar Brimir Hilmarsson og Kristján Jakob Ásgrímsson gerðu mörk heimamanna í leiknum.

Kristján Jakob og Valdimar Brimir skoruðu fyrstu mörk sín fyrir félagið í leiknum.

Höttur/Huginn er á toppnum í 3. deildinni og vann þriðja leik sinn í röð en liðið er með 32 stig, sjö stigum á undan KFG sem er í öðru sæti.