Udinese tekur á móti AC Milan í fyrsta leik dagsins í ítalska boltanum og verður hann sýndur beint á Stöð 2 Sport 2.

Nokkrir nýir leikmenn gætu komið við sögu í liði Milan í leiknum, þar á meðal Rafael Leao sem var keyptur fyrir 32 milljónir punda í sumar.

Milan stal Marco Giampaolo þjálfara af Sampdoria og hefur stjórn félagsins mikla trú á að hann sé rétti maðurinn til að gera félagið samkeppnishæft á nýjan leik.

Sampdoria er búið að eiga slæmt sumar á leikmannamarkaðinum vegna pressu fjárfestahóps, með Gianluca Vialli í fararbroddi, sem vill kaupa félagið af Massimo Ferrero.

Lazio er ekki búið að skipta mikið um leikmenn og stefnir á Evrópubaráttu í ár. Samp var lengst af í baráttunni á síðustu leiktíð en endaði að lokum í 9. sæti, sex stigum eftir Lazio.

Roma mætir þá Genoa, SPAL tekur á móti spútnik liði síðasta tímabils Atalanta og Torino fær Sassuolo í heimsókn.

Bologna og Cagliari áttu gott sumar og munu freista þess að komast úr fallbaráttunni og reyna að enda í efri hluta deildarinnar. Bologna heimsækir nýliða Verona á meðan Cagliari fær Mario Balotelli og félaga í heimsókn frá Brescia.

Leikir kvöldsins:
16:00 Udinese - AC Milan (Stöð 2 Sport 2)
18:45 Sampdoria - Lazio (Stöð 2 Sport 3)
18:45 Roma - Genoa
18:45 SPAL - Atalanta
18:45 Cagliari - Brescia
18.45 Torino - Sassuolo
18:45 Verona - Bologna

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit