Milik til Juventus (Staðfest)

Pólski landsliðssóknarmaðurinn Arek Milik fór í læknisskoðun hjá ítalska stórliðinu Juventus í dag og skrifaði svo í kjölfarið undir samning við félagið.

Hann lenti í Tórínó í morgun og kemur á 2 milljóna evra lánssamningi frá Marseille. Ítalska félagið skuldbindur sig til að kaupa svo leikmanninn á 8 milljónir evra.

Milik er 28 ára og skoraði 38 mörk í 93 leikjum í ítölsku A-deildinni á þremur og hálfu ári hjá Napoli.