„Enginn sem þeir sakna meira en Elías“

Það eru stór skörð höggvin í lið Víkings; Ingvar Jónsson greindist með krabbamein snemma tímabils og verður því ekki meira með.

Þeir Óskar Borgþórsson og Tarik Ibrahimagic verða þá að öllum líkindum ekki með það sem eftir lifir tímabils eftir að hafa meiðst í Evrópuleik liðsins gegn Hapoel Be'er Sheva í upphafi mánaðar.

Tómas Þór segir Víking sárvanta mann eins og Elías til þess að leiða línuna. „Víkingur er minnst klíníska besta fótboltalið sem ég hef nokkurn tímann séð. Auðvitað eru leikmenn sem maður ætlast til að gera betur í þessum stöðum. En það vantar þennan mann sem var að ógna markametinu, ásamt Aroni Sig, áður en hann meiddist,“ sagði Tómas.