Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 25. september 2020 16:04
Magnús Már Einarsson
FH kaupir Matthías Vilhjálmsson (Staðfest)
Matthías eftir að FH varð bikarmeistari árið 2010.
Matthías eftir að FH varð bikarmeistari árið 2010.
Mynd: Fótbolti.net - Kristján Orri Jóhannsson
FH hefur staðfest að félagið hafi keypt Matthías Vilhjálmsson í sínar raðir á nýjan leik frá Valerenga.

Matthías gerir þriggja ára samning við FH en hann gengur formlega til liðs við félagið um áramótin.

Hinn 33 ára gamli Matthías er fjölhæfur miðju og sóknarmaður en hann kom ungur að árum til FH frá Ísafirði.

Á ferli sínum hjá FH skoraði Matthías 46 mörk í 151 leik en hann varð fjórum sinnum Íslandsmeistari og tvisvar sinnum bikarmeistari.

Matthías hefur leikið í Noregi síðan árið 2012 og orðið fjórum sinnum meistari þar í landi.

Matthías spilaði með Start áður en hann fór til Rosenborg þar sem hann raðaði inn titlum á árunum 2015 til 2019. Hann er nú á sínu öðru tímabili með Valerenga.

Á ferli sínum hefur Matthías leikið sextán A-landsleiki og skorað tvö mörk en síðasti landsleikur hans var árið 2016.

View this post on Instagram

Matthías Vilhjálmsson aftur heim í FH “FH hefur komist að samkomulagi við Vålerenga IF um kaup á Matthíasi Vilhjálmssyni frá og með 1.1.2021. Matti skrifar undir 3 ára samning við FH. Matti er Ísfirðingur en kom ungur að árum í Kaplakrika, 151 leikir og 46 mörk í öllum keppnum segir margt um vinsældir Matta hjá stuðningsmönnum félagsins. Matti kemur heim í Krikann eftir farsælan atvinnumannaferil í Noregi þar sem hann meðal annars spilaði 109 leiki, skoraði 28 mörk, vann fjóra Noregsmeistaratitla og þrjá bikarmeistaratitla með Rosenborg. Bikarmeistaratitill í búningi FH 2010 er eftirminnilegur þar sem Matthías skoraði 2 mörk og lyfti bikarnum sem fyrirliði sælla minninga. Matti átti stóran þátt í fjórum Íslandsmeistaratitlum og tveimur Bikarmeistaratitlum á árunum 2005-2010. Velkominn heim Matti!” #Velkominn heim Matti

A post shared by FH-ingar (@fhingar) on


Athugasemdir
banner
banner
banner