banner
   lau 25. september 2021 10:02
Brynjar Ingi Erluson
Dortmund vill fá Martial - Mbappe til Man City?
Powerade
Kylian Mbappe á leið til Englands?
Kylian Mbappe á leið til Englands?
Mynd: Getty Images
Fer Anthony Martial til Borussia Dortmund?
Fer Anthony Martial til Borussia Dortmund?
Mynd: Getty Images
Þá er komið að öllu því helsta í slúðrinu á þessum fína laugardegi en Chelsea er að skoða ýmsa möguleika fyrir vörnina.

Manchester United er að skoða leikmenn sem svipa til Declan Rice (22) en West Ham United verðmetur hann á 80 til 90 milljónir punda. (ESPN)

Antonio Rüdiger (28), varnarmaður Chelsea, gæti þénað 400 þúsund pund á viku ef hann yfirgefur félagið. Bayern München og Juventus eru reiðubúin að borga honum væna launahækkun en hann þénar nú 130 þúsund pund á viku. (Mirror)

Borussia Dortmund er að íhuga að fá Anthony Martial (25), framherja Manchester United, sem mögulegan arftaka Erling Braut Haaland (21). (90min)

Manchester City ætlar að gera heiðarlega tilraun til þess að næla í Kylian Mbappe (22), framherja Paris Saint-Germain næsta sumar en Real Madrid er bílstjórasætinu um þessar mundir. (Transfer Window)

Barcelona er í sambandi við Roberto Martínez, þjálfara belgíska landsliðsins, um að taka við liðinu af Ronald Koeman, en formlegar viðræður eru þó ekki hafnar. (Goal)

Xavi, fyrrum leikmaður Börsunga, er einnig orðaður við starfið hjá Barcelona. (Marca)

Real Madrid hafnaði 34 milljón punda tilboði Arsenal í Marco Asensio (25) í sumar. (Cadena Ser)

Atlético Madríd er að íhuga að fá Bukayo Saka (20) frá Arsenal næsta sumar. (La Razon)

Chelsea gæti farið fram á að fá allt að fjóra leikmenn frá Real Madrid í skiptum fyrir Reece James (21). (Express)

Enska félagið ætlar þá að hætta við að fá Jules Kounde (22), varnarmann Sevilla og Marquinhos (27), varnarmann Paris Saint-Germain. Félagið ætlar að færa áhuga sinn yfir á Matthijs de Ligt (22) hjá Juventus. (Star)

Steve Bruce, knattspyrnustjóri Newcastle United, segist ekki hafa rætt það að selja Allan Saint-Maximin (24), vængmann félagsins, þar sem hann vill halda bestu leikmönnum liðsins. (Chronicle)

Juventus er áfram í viðræðum við argentínska framherjann Paulo Dybala (27). (Calciomercato)

Barcelona ætlar að selja brasilíska sóknartengiliðinn Philippe Coutinho (29) frá félaginu í janúar. (Marca)

Ítalska félagið MIlan er í viðræðum við Real Madrid um spænska miðjumanninn Isco og gæti gengið frá kaupum á honum í janúar. (Todofichajes)

Ítalski miðjumaðurinn Jorginho (29) var nálægt því að ganga til liðs við Manchester City frá Napoli í júlí árið 2018 áður en hann gekk til liðs við Chelsea. (BT Sport)
Athugasemdir
banner
banner
banner
banner