banner
   mán 25. október 2021 23:30
Guðmundur Aðalsteinn Ásgeirsson
Scholes hefur átt betri helgar
Paul Scholes.
Paul Scholes.
Mynd: Getty Images
Paul Scholes, fyrrum miðjumaður Manchester United, viðurkennir að hann hafi átt betri helgar en þessa helgi sem var að líða.

Mikið var rætt og skrifað um Scholes á samfélagsmiðlum um liðna helgi í kjölfarið á myndbandi sem tvítug dóttir hans birti á Instagram-síðu sinni.

Á myndbandinu er Scholes að naga táneglur hennar. „Sönn ást," skrifaði dóttir hans Alicia við myndbandið sem fór í mikla dreifingu.

Scholes tjáði sig stutt um myndbandið í 'story' á Instagram. Hann birti þar skilaboð sem hann hafði fengið þar sem honum var sagt að „deyja".

„Þetta eru ein af betri skilaboðum sem ég hef fengið um þessa helgi... ég hef átt betri helgar," skrifaði Scholes.

Það bætti líklega ekki helgina fyrir Scholes að Man Utd tapaði 0-5 fyrir erkifjendunum í Liverpool.

Við ætlum ekki að birta myndbandið sem dóttir hans lét frá sér, það er ekki falleg sjón.


Athugasemdir
banner
banner
banner
banner
banner